Rainay any an-danitra
Rainay any an-danitra,
hohamasinina anie ny Anaranao ;
ho tonga anie ny fanjakanao ;
ho tanteraka anie ny sitraponao ety an-tany tahaka ny any an-danitra.
Omeo anay anio ny haninay isan'andro ;
avelao ny fahotanay,
tahaka ny hamelanay izay nanao ratsy taminay ;
aza avelanao ho azon'ny fitaoman-dratsy izahay,
fa manafaha anay amin'ny ratsy.
Amen.
Arahaba ry Maria
Arahaba ry Maria, feno hasoavana.
Ny Tompo ao aminao.
Nosoavina noho ny vehivavy rehetra ianao,
ary nosoavina i Jesoa hateraky ny kibonao.
Masina Maria, Renin'Andriamanitra,
Mivavaha ho anay mpanota.
Ankehitriny ary amin'ny andro hahafatesanay.
Amen.
Voninahitra
Voninahitra anie ho an'ny Ray sy ny Zanaka sy ny Fanahy Masina.
Tahaka ny taloha sy ankehitriny ary mandrakizay.
Amen.
Tompoko sy Reniko
Izaho manome anao ny tenako rehetra; ary ho famatarana ny famehezako tena aminao dia atokako ho anao anio ny masoko, ny sofiko, ny vavako, ny foko sy ny aiko rehetra. Efa anao avokoa aho ry Reny mamiko; koa ambeno aho ary arovy aho tahaka ny zavatrao sy fanananao.
Amen.
Fanolorana ny andro
Andriamanitra, atolotro Anao ny hevitro, ny teniko, ny asako, ny fijaliako, dia akambako amin’ny fijalian’i Jesoa Kristy izany, ho fanalana ny fahotako; tahio aho hanaraka ny sitraponao masina amin’ny fo mazoto.
Amen.
Anima Christi
(Vavaka azo atao aorinan'ny Kominio na aorian'ny Lamesa)
Ry Fanahin'i Jesoa, hamasino aho.
Ry vatan'i Jesoa, vonjeo aho.
Ry ran'i Jesoa, etsaho aho.
Ry rano nivoaka ny lanivoan'i Jesoa, sasao aho.
Ry fijalian'i Jesoa, herezo aho.
Ry Jesoa tsara fo, henoy aho.
Afeno ao anatin'ny ferinao aho.
Aza avela hisaraka aminao aho.
Arovy amin'ny hasomparan'ny fahavalo aho.
Antsoy amin'ny andro hahafatesako aho.
Ary asaovy mankany aminao aho.
Mba hiara-mankalaza Anao amin'ny Olomasina.
Mandrakizay.Amen.